Aste honetako Hostokadan, Iraitz Zufiaurre erizaina segitu dugu egunero bere lanean.
Psikiatria arloan hasi zena erizain gisa, etxeko bizia eta familiarekin denbora gehiago pasatzeko helburuarekin, duela zonbait urte Etxeko erizaina izaitea erabaki zuen.
Hiriburuko kabinete batean ari da uztariztarra, eta bere erizain lankideekin, goizean, eguerdi eta arratsaldean itzuli bat badu, ber pertsona egunean behin, bi aldiz edo hiru aldiz ikusten ahal du. Erizainaren lanaren giroan sartzen gira, pazientez-paziente egiten duen lan hortan.
2024ko Agorrilaren 22a
Angeluko Brindos gazteluan, agorrilaren 22an ostegun gauean 9tan, Anne Etchegoyenek kontzertu bat emanen du bere musikariekin, eta Patxi Garat kantaria gomitatuz.
Zazpigarren aldiz uda honetan, Lapurdin bizi den Amikuztar kantariak antolatu du gazteluen itzulia.
Parada izan da Anne Etchegoyenen aktualitatea aipatzeko. Panpi Mercapideri erran dio maite duela gomiten jinaraztea bere ondorat.
2024ko Agorrilaren 22a
Itsasuko bestak ostiral honetan hasiko dira agorrilaren 23an, usaian bezala gaztetxeak antolatu gaualdiarekin Atharrin, ondoko asteazkenean agorrilaren 28an bukatzeko herriko plazan.
6 egun festa, herriko auzo desberdinetan animazio, kontzertu eta apairuekin.
Arantxa Idieder mintzatu da Itsasuko komite edota gaztetxeko Xabi “Bzrp” Legras, Ekain Murgiondo, Xan Aguerre eta Haize Alborrekin.
Igandeko presoen aldeko bazkarirako izenak emateko deitu: 06 09 01 01 38
Eta bestalde garraio zerbitzu bat plantan ezartzen dute urririk, larunbat gauerako, Atharri ezker paretatik abiatuzinguruko herrietarat. Abiatzea, ordu guziz gauerdi eta 4ak artean.
2024ko Agorrilaren 21a
Argazkilaria da Nahia Garat. Donapaleun sortua, 32 urte ditu gaur egun eta 14 urterekin hasi zen argazkiak egiten. Bordelen eta Okzitaniako Tolosan bizi izan ondoan, Euskal Herrira itzuli da.
Xuri eta beltzezko argazkiekin hasi zen, baina azken garaian kolorezkoak ere garatzen ditu.
Ez da errexa gaur egun argazkilaritzatik bizitzea bainan hori da bere xedea. Molde ezberdinetan lantzen du argazkilaritza eta tailerrak ere eskaintzen ditu. Ihintza Arrieta mintzatu da Nahia Garatekin.
2024ko Agorrilaren 16a
Kontzertu bakarra eman dute momentuz Kika taldeko kideek Angeluko Baroja zalditegian udaberrian.
Lau musikari profesionalez osatu taldea gaztea da Kika, euskal afro musika proposatu nahi duena. Amaia Hiriart kantari eta biolontxelo jolearen hitzei bizi emateko sortu zuten hastapen batean duela urte ta erdi. Bateria eta baxujolea Euskal Herritik kanpo bizi dira, bainan Amaia Hiriart eta Dioni Pochelu gitarristarekin hilabetero biltzen dira, kontzertuak emateko helburuarekin, eta laster disko bat ere grabatzeko.
Arantxa Idieder taldeko Amaia Hiriart eta Dioni Pochelurekin mintzatu da.
Kika taldearen Untxaka kantua eszena gainean deskubritu aitzin, hemen entzuten ahal duzue Maddi eta Ainhoa Sarasuak idatzi hitzekin, Amaia Hiriartek erran digunaz "askatasunaz eta besteak segitu gabe libre izateaz" ari dena.
2024ko Agorrilaren 14a
Hazparnerat joan gira, Paxkal Etxepare soinu teknikariaren estudio berrirat.
Paxkal Etxepare gitarrista eta kantari izan da, gaur egun taldeekin zuzeneko soinu teknikari lanetan ari da edo diskoen grabatzaile. Ekoizle lanetan ere hasi da, taldeeri aholkuak emanez.
Xutiketik Esne Beltzarat Zetaketik pasatuz, bere erreferentziak dira ere Kalakan, Maskak edota Maider bezalako artistak. Bere lan arlo desberdinak hobeki ezagutzeko, Panpi Mercapiderekin, grabaketa estudzioaren bisita egin dute, musikariekin harremanaz, ekoizle lanaz edota zuzeneko kontzertuen soinu teknikari lanaz.
2024ko Agorrilaren 13a
1981 2025
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016