Gerezi besta iraganen da Itsasun ekainaren 1ean, igandez.
Egun osoan gerezi salmentaz gain, Xapata elkartekoak hor izanen dira, animazioak, bazkarian 800 bat jendek parte hartzen du, herri joko, bota luze…antolatzaileek egun pasa etortzea gomendatzen dute.
Antolatzaileak dira Itsasuarrak elkartekoak. Peio Oçafrain lehendakari ordeak xehetasunak eman dizkigu egunaz.
2025eko Maiatzaren 30a
Arte eta Kultura heziketa programaren baitan proposatua izan da bikoizketa tailerra. Pirinio Atlantikoetako departamenduak eta Euskal Hirigune Elkargoarekin, Atalante zinemaren laguntzarekin, Baionako Albert Camus kolegioko 4. mailako ikasle elebidunek, BEURK!, Beanboy eta Autokar laburmetraiak euskaraz bikoiztu dituzte Kalakalabeko profesionalekin.
20 bat orduz testoa landu dute, irakaslearekin, eta Arantxa Hirigoyen antzerkilariarekin. Grabaketa egun batean izan gara Baionako Atalante zineman, bozak grabatzen zituzten egun batez.:
Lan honen emaitza aurkeztuko da ekainaren 24an, asteartez, goizeko 10:00etan edo 11:00etan ATALANTE zineman Baionan.
2025eko Maiatzaren 28a
Arrokagarai ikastolak Itsasun, 15 urte ospatzen ditu aurten. Aste buruan, ostiral gauean besta hasiko da maiatzaren 23an Arrokabaretarekin, eta larunbatean maiatzaren 24an, haurrentzat ikusgarri, bazkari eta kontzertuak proposatuko dira.
Lan talde bat sortu dute buraso batzuk besta antolatzeko.Horietan ikastolako lehendakaria den Dioni Aguerre eta irakasle-burasoa den Amaia Uthurraltek, aipatu digute lehenik ikastolaren ibilbidea eta ondotik bestaren egitaraua.
Lehenik hastapenetik irakaslea izan den Amaia Uthurralt, oroit da lehen ikastolaz, etxe pribatu batean hasi baitzen.
2025eko Maiatzaren 21a
Itsasuko La Nive erietxe ohiak bere ateak berriz ireki ditu, Errobil deitu berrerabilpenerako herengune soziala urtarriletik bertan instalatu baita, Uhaldeko bidean, 560.zenbakian.
Sukalde, txintxuketa tresneria edo mubleak uzten ahal dira beharrean direnei merke saltzeko edo emateko. Bertan duten tailerrean, laguntzaileek konpontze lanak egiten dituzte ere.
Larunbatean, maiatzaren 17an estreinaldi ofiziala egingo dute. Pantxo Paparramborde Belin Aiba elkarteko kideak eman dizkio xehetasunak Panpi Mercapideri. Errobil publikoari irekia da bestalde - ostiraletan 14:00etatik 18:00etara eta larunbatetan 9:00etatik 12:00tara eta 14:00etatik 18:00etara. Emaitzak irekitze orenetan egiten ahal dira baita astearte eta asteazkenetan ere14:00etatik 18:00etara.
2025eko Maiatzaren 16a
Sei herri lehiatuko dira maiatzaren 24an Zugarramurdin.
Bera, Etxalar, Ainhoa, Sara, Urdazubi eta Zugarramurdiko biztanleak elkartzeko asmoarekin sortu zen Herri Haitada duela zonbait urte, euskara erdigunean jarriz. 3.edizioa Zugarramurdin iraganen da beraz, Lapurdi eta Nafarroako lehiakideek 12 proba izango dituzte. Soka tira, bertso, sukaldaritza edota txirrindularitzan lehiatuko dira.
Egunaren bukaeran herri irabazle bat izango da, baina garrantzitsuena antolatzaileentzat, mugaren gainetik, herritarrak elkartzea da. Arantxa Idieder Iban Iparragirre eta Leiane Madariaga antolatzaileekin mintzatu da.
2025eko Maiatzaren 16a
Beskoitzeko ikastolak bi hitzordu proposatzen ditu ondoko egunetarako.
Alde batetik, Ardanabiko gozamenak ibilaldi eta lasterketak maiatzaren 18an Urketan. Eta bestetik erakusketa bat Baionako Biltxoko elkartean, maiatzaren 17tik 24ra arte. Irkus Robles Arangizek ikastolari eskaini hiru tindu obra salgai jarriko dituzte.
Beskoitzeko ikastolako Monique Landagarai eta Julen Jauregi burasoekin hitz egin du Panpi Mercapidek.
2025eko Maiatzaren 14a
1981 2025
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016